Сыйақы

GRI 2–19

Сыйақы мөлшері мен оны төлеу тәртібі Компанияның Жарғысына сәйкес айқындалады және Жалғыз акционердің шешімімен бекітіледі. Басқарма төрағасы мен мүшелерінің сыйақысы, оның ішінде мөлшері, сондай-ақ төлемдерді жүзеге асыру шарттары мен тәртібі «Самұрық-Энерго» АҚ басшы және басқарушы қызметкерлерінің қызметін бағалау және сыйақы төлеу қағидаларына сәйкес айқындалады.

Директорлар кеңесі мүшелерінің сыйақысы

«Самұрық-Энерго» АҚ Директорлар кеңесінің мүшесі функцияларын орындағаны үшін тәуелсіз директорларға жыл сайынғы тіркелген сыйақы белгіленеді. Сонымен қатар, тәуелсіз директорларға олардың тұрақты тұрғылықты жерінен тыс өткізілетін Директорлар кеңесі және оның комитеттері отырыстарына қатысуына байланысты құжатпен расталған шығыстар (жол жүру, тұру және тәуліктік шығындар) өтеледі.

2025 жыл қорытындысы бойынша тәуелсіз директорларға төленген сыйақы 49 873 мың теңгені құрады. 2025 жылғы 31 желтоқсандағы жағдай бойынша тәуелсіз директорлар саны төрт адамды құрады. Өзге төлемдер көзделмеген.

Басқарма мүшелерінің сыйақысы

Басқарма мүшелеріне сыйақы төлеу «Самұрық-Энерго» АҚ басшы және басқарушы қызметкерлерінің қызметін бағалау және сыйақы төлеу қағидаларында белгіленген шарттар мен тәртіпке сәйкес жүзеге асырылады.

Аталған қағидалар келесі принциптерге негізделеді

• сыйақының Компания мен оның акционерінің мүдделеріне сәйкес келетін міндеттердің орындалуымен өзара байланысын қамтамасыз ету
• сыйақы мөлшерін айқындау тетіктерінің қарапайымдылығы мен ашықтығын сақтау
• сыйақы мөлшерінің Компания қызметінің нәтижелеріне және қызметкерлердің жеке нәтижелілігіне тәуелділігі.

Басқарма төрағасы мен мүшелерінің қызметін бағалауды Директорлар кеңесі жүзеге асырады, бұл ретте негізгі өлшем ретінде бекітілген негізгі қызмет көрсеткіштеріне (КҚК) қол жеткізу деңгейі алынады.

Негізгі басшылық құрамының сыйақысы жалақыны, сыйлықақы төлемдерін, сондай-ақ қысқа мерзімді сыйақылардың өзге де түрлерін қамтиды.

2025 жылы негізгі басқарушы персоналдың сыйақысы 658 430 мың теңгені құрады. 2025 жылғы 31 желтоқсандағы жағдай бойынша Компанияның негізгі басқарушы персоналы 7 адамды құрайды.

Сыйақылардың мөлшері, мың теңге