«Самұрық-Энерго» АҚ Компаниялар тобының құрылымы

Мемлекет басшысының 2020 жылғы 11 мамырдағы №20-01-7.11 "Коронавирус жағдайы және дағдарысқа қарсы шаралар туралы" тапсырмасын орындау аясында ұлттық компанияларға тиесілі жекелеген құрылымдарды шетелдік юрисдикциялардан "Астана" халықаралық қаржы орталығына ауыстыруға қатысты Компания Forum Muider B.V. Форум Muider Limited (Кипр). Қосылу нәтижесінде Forum Muider B.V.-тің барлық активтері, мүліктері, құқықтары мен міндеттемелері мұрагерлікпен Forum Muider Limited компаниясына өтті. Forum Muider B.V. өз кезегінде өз қызметін тоқтатты және Нидерланды компанияларының тізілімінен шығарылды.

«Жылу энергетикасы, электр энергетикасы және реттелетін қызметтер мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңды (08.07.2024 ж.) орындау шеңберінде 2025 жылғы қаңтарда «АлматыЭнергоСбыт» ЖШС-ні «Алатау Жарық Компаниясы» АҚ-ға қосу жолымен қайта ұйымдастыру жүргізілді. Нәтижесінде «АлматыЭнергоСбыт» ЖШС-нің барлық құқықтары, міндеттемелері мен мүлкі әмбебап құқықтық сабақтастық тәртібімен «Алатау Жарық Компаниясы» АҚ-ға өтті. Қазіргі уақытта «Алатау Жарық Компаниясы» АҚ электр энергиясын беру және тұтынушыларды электр энергиясымен қамтамасыз ету қызметін жүзеге асыруда, ал 
«АлматыЭнергоСбыт» ЖШС өз қызметін тоқтатты.

«Қызылорда облысында қуаты шамамен 1100 МВт бу-газ қондырғысы негізіндегі электр станциясының құрылысы» жобасын іске асыру шеңберінде UCC компаниясымен бірлесіп 2025 жылғы 2 мамырда АХҚО юрисдикциясында Kyzylorda Energy Ltd жобалық компаниясы құрылды. Жобалық компаниядағы «Самұрық‑Энерго» АҚ үлесі 30%, UCC үлесі – 70%.

«Қуаты 300 МВт және электр энергиясын жинақтау жүйесі (90 МВт/360 МВт·сағ. бар күн электр станциясының құрылысы» жобасы шеңберінде Qazaq Green Power PLC Dutch Green Power Investment B.V. (China Energy-дің аффилиирленген тұлғасы) компаниясымен бірлесіп 2025 жылғы 21 шілдеде «Sauran Solar Power» ЖШС жобалық компаниясын құрды. Жобалық компаниядағы Qazaq Green Power PLC үлесі 30%, Dutch Green Power Investment B.V. үлесі – 70%.

2025 жылғы қыркүйекте Директорлар кеңесі бекіткен «Самұрық‑Энерго» АҚ-ның 2024–2033 жылдарға арналған даму стратегиясын іске асыру мақсатында Qazaq Green Power PLC-ке «Бұқтырма СЭС» АҚ акцияларының 96,3%-ы берілді.

2025 жылғы 24 қыркүйекте Forum Muider Limited компаниясының 7 779 акциясына қосымша эмиссия жүргізіліп, олар Primet LLC (Қатар) инвесторының пайдасына орналастырылды. Нәтижесінде «Самұрық‑Энерго» АҚ-ның акционерлік капиталдағы үлесі 50%-дан 35%-ға дейін азайды.

2025 жылғы қазанда Forum Muider Limited компаниясын «Астана» халықаралық қаржы орталығы юрисдикциясына редомициляциялау рәсімі аяқталып, Компанияның АХҚО қатысушысы ретіндегі мәртебесін растайтын қызметін жалғастыру туралы сертификат алынды.

2025 жылғы 5 желтоқсанда «Karaganda Wind Power» ЖШС жобалық компаниясы «Қарағанды облысында China Energy Overseas Investment Co., Ltd компаниясымен бірлесіп қуаты 500 МВт ЖЭС салу» жобасын одан әрі іске асыру үшін тіркелді. Жоба қуаты 500 МВт және электр энергиясының болжамды орташа жылдық өндірілуі 1,66 млн МВт*сағ деңгейінде болуын көздейді. Жоба шеңберінде сондай-ақ қуаты 150 МВт/300 МВт сағ болатын энергия жинақтау жүйесін (ЭЖЖ) салу қарастырылған.

2025 жылғы 5 желтоқсанда «China Energy Overseas Investment Co., Ltd» компаниясымен бірлесіп Қарағанды облысында қуаты 500 МВт жел электр станциясын салу жобасын іске асыру үшін «Karaganda Wind Power» ЖШС жобалық компаниясы тіркелді. Жоба шешімдік қуаты 500 МВт және жыл сайын шамамен 1,66 млн МВт*сағ электр энергиясын өндіруді көздейді. Жоба аясында сондай-ақ қуаты 150 МВт/300 МВт*сағ энергия жинақтау жүйесін салу қарастырылған. Qazaq Green Power PLC үлесі – 30%, Energy China – 70%.

2025 жылғы желтоқсанда Қазақстан Республикасы Үкіметінің 2020 жылғы 29 желтоқсандағы №908 «2021–2025 жылдарға арналған жекешелендірудің кейбір мәселелері туралы» қаулысын орындау шеңберінде Forum Muider Limited компаниясының 35% акциясын сату бойынша іс-шаралар жүзеге асырылды.