ESG тәуекелдері және оларды басқару
ESG тәуекелдерін басқару
«Самұрық Энерго» АҚ-да ESG тәуекелдері мен мүмкіндіктерін басқару жалпы корпоративтік тәуекелдерді басқару жүйесіне толыққанды ықпалдастырылған және басқарудың барлық деңгейлерінде күнделікті іскерлік қызметтің ажырамас элементі болып табылады. Компания операциялық қызметінде тәуекелге бағдарланған тәсілді қолдана отырып, ұзақ мерзімді перспективада құнның тұрақты өсуін қамтамасыз етуге және бәсекеге қабілеттілікті арттыруға жүйелі түрде ұмтылады.
Компанияның тәуекелдер мен мүмкіндіктерді басқару саласындағы тәсілдері Тәуекелдерді басқару саясатында бекітілген, онда тұрақты даму аспектілерін қоса алғанда, елеулі тәуекелдер мен мүмкіндіктерді айқындау, бағалау, мониторингтеу және есептілік жүргізу қағидаттары нақты айқындалған.
Тәуекелдерді басқару процесі жүйелі және формалдандырылған сипатқа ие және Компанияның барлық құрылымдық бөлімшелері мен функционалдық блоктарында бірыңғай тәртіппен қолданылады.
Компания тәуекелдерді басқару құралдарын және тұрақты даму қағидаттарына негізделген жүйелі тәсілді пайдалана отырып, тәуекелдерді кешенді бағалауды жүзеге асырады
- тұрақты дамудың жаһандық факторларының ықпалына байланысты ағымдағы және перспективалық тәуекелдерді бағалау
- экономикалық, әлеуметтік-демографиялық және экологиялық трендтерді болжамдау
- Компания қызметінің қатысу өңірлеріне тигізетін ағымдағы әсерінің әлеуметтік, экологиялық және экономикалық аспектілерін талдау
- Компанияның өңірлік әсерін басқаруға, тәуекелдерді төмендетуге және мүмкіндіктерді тиімді іске асыруға бағытталған іс-шараларды әзірлеу
- тәуекел мәдениетін жүйелі түрде дамыту, тәуекелдерді басқару жөніндегі қабылданған шаралардың тиімділігін талдау және ағымдағы әрі болашақ тәуекелдермен байланысты мүмкіндіктерді айқындау.
ESG тәуекелдері мен мүмкіндіктерін қарау стратегиялық және бизнес-жоспарлау процестерімен қатар жүргізіледі, бұл басқарушылық шешімдер қабылдау барысында тұрақты даму факторларын жан-жақты ескеруге мүмкіндік береді.
Тұрақты даму контекстінде Компания ESG тәуекелдерінің келесі негізгі топтарын айқындайды
- персоналды басқару, жергілікті қауымдастықтарға әсер ету және адам құқықтарын сақтау мәселелерін қамтитын әлеуметтік тәуекелдер
- қоршаған ортаға әсер ету және климаттың өзгеруімен байланысты факторларды қамтитын климаттық және экологиялық тәуекелдер
- Компанияның өңірлер мен жалпы ел экономикасына ықпалымен байланысты экономикалық тәуекелдер.
ESG тәуекелдері мен мүмкіндіктерін бағалау тұрақты дамудың ағымдағы және перспективалық факторларын кешенді талдауды, жаһандық экономикалық, әлеуметтік-демографиялық және экологиялық трендтерді зерделеуді, сондай-ақ Компания қызметінің өңірлік және ұлттық деңгейлердегі ықтимал әсерлерін бағалауды қамтитын әдіснамалық тәсіл негізінде жүзеге асырылады. Жүргізілген бағалау нәтижелері бойынша тәуекелдерді төмендетуге, теріс әсерлерді барынша азайтуға және айқындалған мүмкіндіктерді іске асыруға бағытталған басқарушылық шаралар әзірленеді.
Басқару жүйесінде тәуекел мәдениетінің жетілу деңгейін арттыруға, қызметкерлердің ESG тәуекелдері саласындағы хабардарлығын кеңейтуге және қабылданатын шаралардың нәтижелілігін бағалауға ерекше мән беріледі. Тәуекелдерді басқару тиімділігі белгіленген корпоративтік рәсімдер шеңберінде тұрақты негізде қайта қаралып отырады.
Негізгі тәуекелдер туралы, сондай-ақ оларды басқару құралдары мен ішкі бақылау жүйесі туралы ақпарат «Тәуекелдерді басқару және ішкі бақылау» бөлімінде ашып көрсетілген.